Actavis nafnið

Hvað þýðir Actavis?
Orðið er samsett úr tveimur latneskum orðum „acta“ sem merkir framtakssemi og „vis“ sem merkir styrkur.

Actavis endurspeglar þá eiginleika sem einkenna samstæðuna: hraða, metnað, kraft, frumkvæði, ábyrgð, gæði, þjónustulund og alþjóðahyggju.

Nafnið var valið eftir ítarlega athugun til að tryggja aðgreiningu frá keppinautum okkar. Hægt er að nota það alls staðar og það táknar drifkraft fyrirtækisins.

Actavis - Hagur í heilsu

Flest fyrirtæki samstæðunnar breyttu nafni sínu í Actavis þann 17. maí 2004. Þar á meðal voru fyrirtækin Delta og Omega Farma á Íslandi, og þáverandi móðurfélag samstæðunnar, Pharmaco.

Hvernig skapar Actavis hag í heilsu?

Fyrir viðskiptavini: Með því að leggja okkur fram um að sjá þeim fyrir hágæðalyfjum á góðu verði á undan keppinautunum.

Fyrir starfsfólk: Með því að leggja því til virkt og sveigjanlegt vinnuumhverfi, góð starfskjör og framúrskarandi framatækifæri.