Actavis á Íslandi framleiðir og selur lyf og lyfjahugvit bæði innanlands sem utan.
Mikil áhersla er lögð á gæðamál og uppfylla lyfjaverksmiðjur og tækjabúnaður félagsins kröfur um góða framleiðsluhætti í lyfjagerð (Good Manufacturing Practice).
Verksmiðjan í Hafnarfirði er hönnuð með þarfir Bandaríkjamarkaðar í huga og hefur hlotið verðlaun fyrir framúrskarandi hönnun.
Starfsemi Actavis á Íslandi
Rekstrareiningar Actavis á Íslandi eru þrjár:
Höfuðstöðvar Actavis Group eru í Hafnarfirði og þar starfa um 250 starfsmenn. Þróunarsviðið er þar fjölmennast með um 150 starfsmenn.
Vefur Actavis Group (á ensku)
Forstjóri Actavis Group er Claudio Albrecht (upplýsingar á ensku)
Actavis hf. er eitt af dótturfyrirtækjum samstæðunnar og er framleiðslueining fyrirtækisins hér á Íslandi. Um 270 starfsmenn starfa hjá Actavis hf. , flestir á framleiðslu- og gæðasviðum.
Framkvæmdastjóri Actavis hf. á Íslandi er Jón Gunnar Jónsson
Medis ehf. er annað dótturfyrirtæki samstæðunnar og sér um sölu á lyfjum og lyfjahugviti til þriðja aðila. Hjá Medis á Íslandi starfa um 30 manns.
Vefur Medis (á ensku)
Fyrst á markað
Eitt af markmiðum Actavis er að vera með þeim fyrstu á markaðinn með samheitalyf þegar einkaleyfi renna út. Þar sem einkaleyfaumhverfið er hagstætt á Íslandi getur Actavis á Íslandi unnið að þróun lyfs þrátt fyrir að það sé verndað af einkaleyfum í flestum Evrópulöndum og verið tilbúið að markaðssetja lyf um leið og einkaleyfi þess fellur úr gildi erlendis.