STJÓRNENDUR

• 

  Guðbjörg Edda Eggertsdóttir

  Forstjóri Actavis á Íslandi

  Guðbjörg Edda hefur starfað hjá Actavis og forverum þess í 30 ár. Hún var aðstoðarforstjóri Delta frá 1999, framkvæmdastjóri á markaðssviði Actavis Group frá 2002 og aðstoðarforstjóri samstæðunnar frá 2008. Guðbjörg Edda er lyfjafræðingur að mennt.

  Guðbjörg Edda situr í framkvæmdastjórn Actavis Group (upplýsingar á ensku).

• 

  Jón Gunnar Jónsson

  Framkvæmdastjóri Actavis hf.

  Jón Gunnar útskrifaðist með B.Sc. gráðu í vélaverkfræði frá Háskóla Íslands árið 1985 og M.Sc. gráðu í iðnaðarverkfræði frá Danska tækniháskólanum í Kaupmannahöfn árið 1987.

  Hann starfaði áður sem framleiðslustjóri Sláturfélags Suðurlands frá 1988 til 1999, sem framkvæmdastjóri steypuskála Alcan á Íslandi árið 2000 og sem verksmiðjustjóri álvers Alcan í Lynemouth í Bretlandi 2005-2006.

• 

  Ólöf Þórhallsdóttir

  Sölu- og markaðsstjóri Actavis á Íslandi

  Ólöf Þórhallsdóttir hefur starfað hjá Actavis og forverum þess frá árinu 2001. Ólöf er menntaður lyfjafræðingur frá Háskóla Íslands og starfaði fyrst hjá fyrirtækinu sem lyfjakynnir en er nú sölu- og markaðsstjóri Actavis á Íslandi.

• 

  Jón Valgeirsson

  Framkvæmdastjóri Þróunareiningar Actavis á Íslandi

  Jón útskrifaðist með Cand.Pharm gráðu í lyfjafræði frá Háskóla Íslands árið 1999 og Ph.D. gráðu í lyfjaefnafræði frá Kaupmannahafnarháskóla 2003. Sama ár hóf Jón störf hjá Actavis á Íslandi við mat og val á lyfjaefnum. Frá 2005 til 2009 stjórnaði Jón lyfjaefnaþróun Actavis og dvaldi um eins árs skeið á Indlandi við uppbyggingu þróunareiningar Actavis í Bangalore. Jón tók við stjórn Þróunareiningar Actavis á Íslandi árið 2009.

• 

  Benedikt Sigurðsson

  Sviðsstjóri Samskiptasviðs

  Benedikt Sigurðsson sér um innri og ytri samskipti fyrirtækisins á Íslandi. Benedikt er menntaður sagnfræðingur frá Háskóla Íslands og hefur 12 ára reynslu úr fjölmiðlum. Starfaði meðal annars sem fréttamaður og varafréttastjóri á fréttastofu Sjónvarpsins og einnig sem fréttamaður á fréttastofu Stöðvar 2 og Bylgjunnar. Frá miðju ári 2006 til loka árs 2008 var Benedikt fjölmiðlafulltrúi hjá Kaupþingi.

   

• 

  Harpa Þ. Böðvarsdóttir

  Starfsmannastjóri Actavis á Íslandi

  Harpa er fædd árið 1975. Hún lauk meistaranámi í viðskiptafræði frá Háskóla Íslands árið 2003.

  Harpa hefur starfað hjá Actavis sem sérfræðingur frá árinu 2003 og tók við starfi starfsmannastjóra Actavis hf. á miðju ári 2008. Hún starfaði áður hjá Landsbanka Íslands og sveitarfélaginu Árborg.