Einar Kárason
Rithöfundur

Hinn þekkti rithöfundur og sögumaður Einar Kárason fæddist í Reykjavík árið 1955. Hann varð fyrst þekktur í byrjun níunda áratugarins, þar sem hann naut viðurkenningar fyrir þríleikinn um lífið í reykvísku braggahverfi á eftirstríðsárunum.

Þríleikurinn hefst með Þar sem djöflaeyjan rís en á eftir fylgdu Gulleyjan, sem hlaut Menningarverðlaun DV 1986 og var tilnefnd til Bókmenntaverðlauna Norðurlandaráðs og Fyrirheitna landið, sem var tilnefnd til Íslensku bókmenntaverðlaunanna 1989. Þríleikurinn var settur upp á sviði og síðar vann Einar kvikmyndahandrit upp úr sögunum í samvinnu við Friðrik Þór Friðriksson leikstjóra; Djöflaeyjuna sem var frumsýnd 1996.

Einar er jafn þekktur fyrir skáldsögur sínar og viðtalsbækur, ferðaþætti, smásagnasöfn og barnabækur. Fjöldi skáldsagna hans hefur verið þýddur á þýsku, nú síðast var það Ofsi sem er söguleg skáldsaga sem segir frá illdeilum íslenskra höfðingja á Sturlungaöld, hrottafengnu tímabil þegar Ísland var undir Noregskonungum. Hann hefur jafnframt gefið út ljóðasafn.

Fyrir nánari upplýsingar um Einar Kárason farið á Sögueyjan Ísland.

Óttar Guðmundsson
Geðlæknir

Dr. Óttar Guðmundsson er reyndur geðlæknir sem starfar við Landspítala háskólasjúkrahús í Reykjavík. Hann er vel þekktur á Íslandi fyrir læknisstörf sín en hann stundar einnig ritstörf. Rit hans fjalla einkum um sagnfræðileg efni en hafa þó beina skírskotun til samtímans.

Árið 1990 gaf hann út mikilsmetið verk um sögu og siðfræði kynlífsins. Tveimur árum seinna kom frá honum saga áfengisins og drykkjusýkinnar á Íslandi. Óttar gaf einnig út bókina Listin að lifa, listin að deyja þar sem hann fjallar um lífið í ljósi breytinga á viðhorfum manna til dauðans. Þekking hans á sínu sérsviði og mikill áhugi á íslensku fornsögunum leiddu hann út í nýjasta verkefni sitt, sögu geðsjúkdóma og persónuleikatruflana meðal persónanna í þessum menningarfjársjóði Íslendinga – séð í baksýn.

Óttar er búsettur á Íslandi en hlaut menntun sína í læknisfræði og lækningasögu í Svíþjóð og Þýskalandi; hann dvaldist nokkur ár í hvoru landi. Hann býr núna á Íslandi.

Halldór Baldursson
Teiknari

Halldór Baldursson er fæddur árið 1965 og hefur starfað sem teiknari frá árinu 1989. Síðan 2005 hefur hann aðallega teiknað pólitískar skopmyndir í dagblöð. Á ferlinum hefur Halldór mundað teiknipennann fyrir fjölbreytilegustu málefni, allt frá námsgögnum til auglýsingastofa og myndskreytt tugi bóka, sérstaklega barnabóka.

Hann hefur verið einn forvígismanna teiknimyndatímaritsins GISP! frá stofnun þess árið 1989 og kennt myndskreytingu í Listaháskóla Íslands frá árinu 1999. Halldór hefur teiknað í Viðskiptablaðið frá 1993 og í félagi við Þorstein Guðmundsson skapaði hann Ömmu Fífí sem birtist í DV milli 2000 og 2002. Halldór Baldursson teiknaði daglega skopmyndir í Blaðið/ 24 stundir frá því í september 2005 þar til blaðið var lagt niður í október 2008. Síðan þá hefur Halldór tekið við sem skopteiknari Morgunblaðsins og svo Fréttablaðsins, þar sem skopteikningar hans birtast reglulega.

Halldór hefur hlotið fjölda verðlauna og viðurkenninga frá FÍT (Félag íslenskra teiknara) í gegnum árin. Þá fékk hann bókaverðlaun barnanna 2005 fyrir Fíusól eftir Kristínu Helgu Gunnarsdóttur og Íslensku barnabókaverðlaunin 2006 fyrir Söguna af undurfögru prinsessunni og hugrakka prinsinn hennar eftir Margréti Tryggvadóttur. Hann var tilnefndur til blaðamannaverðlauna fyrir skopmyndir sínar 2007 og heiðursverðlauna Myndstefs sama ár.

Fræðist meira um Halldór Baldursson og skoðið brot úr verkum hans á heimasíðu hans.