Skilmálar og skilyrði:

1. Þátttakendur verða að vera orðnir a.m.k. 18 ára að aldri þann 11. október 2011.
2. Einungis einstaklingar geta tekið þátt í keppninni. Fyrirtæki og lögaðilar eru ekki gjaldgengir.
3. Starfsfólk Actavis, hlutdeildarfyrirtækja og auglýsinga- og kynningarfyrirtækja þess, starfsfólk Icelandair og nánasta fjölskylda og sambýlisfólk framangreindra er ekki gjaldgengt sem þátttakendur í keppninni.
4. Actavis áskilur sér allan rétt til að hafna innsendu efni ef einhverjar af umbeðnum upplýsingum vantar (t.d. nafn, netfang eða dulnefni þátttakanda).
5. Hver þátttakandi má einungis senda inn eina efnisgrein um hverja söguhetju. Berist fleiri, áskilur Actavis sér rétt til að líta á þær allar sem ógildar.
6. Þátttakendur skulu einungis senda inn eigið efni, þannig að það stangist á engan hátt við hugverkarétt þriðja aðila. Með innsendingu efnis staðfesta þátttakendur að efnið sé þeirra hugverk og að Actavis beri engan þann skaða sem hlotist gæti af broti á höfundarrétti þriðja aðila.
7. Hafnað verður innsendu efni frá stöðum þar sem slíkt er bannað með lögum eða viðeigandi reglugerðum.
8. Hver sá sem sendir inn efni verður að vera skráður notandi þess netfangs sem gefið er upp við innsendingu.
9. Sigurvegari keppninnar fellst á að taka þátt í kynningarstarfi (á kostnað Actavis), þar með talið viðtal um ferðina og lífsreynslu sigurvegarans í henni, auk töku ljósmynda af afhendingu verðlauna og úr ferðinni sem birta má og nota í kynningarefni fyrirtækisins.
10. Actavis ber ekki ábyrgð á rangri eða ónákvæmri skráningu á upplýsingum þátttakenda, glötuðu efni eða sendingum, truflunum eða rofi á netsambandi, í netþjónum eða öðrum tengingum, rugluðum sendingum eða hvers kyns öðrum villum eða vandamálum, hvort sem þau eru vélræns eðlis eða af manna völdum, rafrænum eða tæknilegum bilunum, í vélbúnaði tölva, hugbúnaði eða vegna samsetts vanda af áðurnefndum völdum, eða vegna vanda sem tengist tölvuveirum eða öðru tjóni sem verða kann á kerfum þátttakenda.
11. Sigurvegarinn fær tilkynningu senda í tölvupósti á það netfang sem gefið var upp. Frétt um sigurinn verður birt á vef Actavis og í kynningarefni, eftir því sem við á.
12. Verði ágreiningur um hver tiltekinn þátttakandi sé, skal litið svo á að skráður notandi netfangsins sem gefið var upp við innsendingu efnis sé réttur þátttakandi. Með orðunum „skráður notandi netfangsins“ er átt við þann einstakling sem fékk úthlutað umræddu netfangi hjá netþjónustuaðila, þjónustuveitanda á Netinu eða öðrum aðila (t.d. fyrirtæki, skóla, stofnun o.s.frv.) sem ber ábyrgð á úthlutun netfanga, eða því léni sem viðkomandi netfang tengist. Actavis áskilur sér allan rétt til að óska eftir sönnun þess að mögulegur sigurvegari sé skráður notandi netfangsins sem tengist efni því sem vinnur verðlaunin.
13. Gerist eitthvað það sem hindrar að keppninni verði haldið áfram, áskilur Actavis sér rétt til að aflýsa, hætta, breyta eða fresta keppninni og velja sigurvegara af handahófi úr innsendu efni fram að þeim tíma sem keppni er aflýst eða frestað, ef við á.
14. Actavis áskilur sér einhliða rétt til að hafna hverju því efni sem virðist unnið af einhverjum þeim sem ekki uppfyllir ofangreind skilyrði, er afrit af öðru innsendu efni eða brýtur gegn hugverkarétti þriðja aðila. Actavis áskilur sér jafnframt rétt til að ógilda þátttöku hvers þess þátttakanda sem fyrirtækið telur hafa brotið gegn skilmálum þessum og skilyrðum.
15. Ein verðlaun verða veitt fyrir það efni sem dómnefnd telur vera best.
16. Verðlaunin eru ferð fyrir tvo fram og til baka frá einhverjum áfangastað Icelandair í Evrópu, helgargisting með morgunverði í tvær nætur og „Golden Circle“ skoðunarferð. (Ef sigurvegarinn býr á Íslandi er í boði samsvarandi tveggja nátta helgarferð til einhvers af áfangastöðum Icelandair í Evrópu).
17. Verðlaunin eru eins og tilgreint er og hvorki má breyta þeim né skipta fyrir önnur verðmæti eða reiðufé. Verðlaunin má ekki yfirfæra í hendur öðrum en sigurvegaranum.
18. Sigurvegarinn ber alla ábyrgð á öllum kostnaði í tengslum við verðlaunin sem ekki er ótvírætt tilgreindur sem hluti þeirra, svo sem (i) sköttum, (ii) tryggingum og (iii) öllum aukakostnaði sem hlýst af viðtöku og notkun verðlaunanna.
19. Reynist af einhverjum ástæðum ekki hægt að veita tilgreind verðlaun, áskilur Actavis sér rétt til að veita í stað þeirra verðlaun að sama verðmæti eða meira.
20. Þátttakendur viðurkenna og fallast á rétt Actavis og hlutdeildarfélaga þess til að nota hverjar þær upplýsingar sem safnast í keppninni til markaðsrannsókna, en upplýsingunum verður ekki dreift til annarra aðila í viðskiptaskyni.
21. Þegar efni hefur verið sent inn verður það eign Actavis og verður ekki skilað. Actavis hefur óskoraðan rétt til að birta efnið á vefsíðu sinni og í öðru viðbótarefni (þ.m.t. kynningarefni). Með því að senda inn efni gefa þátttakendur Actavis óskoraða heimild til slíkrar notkunar án þess að þurfa að hafa frekara samband við þá.
22. Engar persónuupplýsingar þátttakenda verða birtar en valið efni úr innsendu efni verður birt (undir dulnefni, sé það til staðar), áður en sigurvegari keppninnar verður kynntur. Þegar úrslit liggja fyrir verður nafn sigurvegarans birt ásamt innsendu efni hans.