Actavis hefur sett á markað á Íslandi blóðlyfið Clopidogrel Actavis. Það er samheitalyf sem ætlað er til að koma í veg fyrir æðastíflur. Þetta er sjöunda nýja samheitalyfið sem Actavis markaðssetur á Íslandi á árinu 2010.

Lyfið Clopidogrel er tekið til að koma í veg fyrir að blóðkökkur myndist í kölkuðum æðum, sem getur m.a. valdið heilablóðfalli eða hjartaáfalli.

Clopidogrel Actavis er jafngilt (bioequivalent) frumlyfinu Plavix® sem er frá frumlyfjafyrirtækjunum Bristol-Myers Squibb og Sanofi Pharma.

Lyfið er lyfseðilsskylt. Hver filmuhúðuð tafla inniheldur 75 mg af klópídógreli og eru 100 stk í pakka.

Clopidogrel Actavis var þróað hjá Actavis á Íslandi og er framleitt hjá Actavis á Möltu. Það er sjöunda nýja samheitalyfið sem Actavis markaðssetur á Íslandi á árinu. Hin eru m.a. geðlyfið Esopram, krabbameinslyfið Paclitaxel og veirulyfið Valaciclovir.