Litíumsítrat Actavis

Ábendingar:

Litíum er geðlyf. Það er notað við oflæti eða fyrirbyggjandi við tvípólasjúkdómi (manio-depressive). Oflæti er talið stafa af of mikilli virkni örvandi taugaboðefna, þaðan sem skapferli, hugsun og hegðun er stjórnað í heila. Verkunarmáti lyfsins er ekki að fullu þekktur, þó virðist það draga úr virkni þessara efna. Litíum mildar geðsveiflur sem fylgja sjúkdómnum og dregur úr tíðni þeirra. Litíum er oftast notað eitt og sér, en þar sem verkun þess kemur oft ekki fram fyrr en eftir 2-3 vikur er algengt að notuð séu önnur lyf með því í upphafi meðferðar. Helsti galli við notkun litíums er sá að eiturverkanir þess koma fram í skömmtum sem eru litlu stærri en skammtarnir sem hafa áhrif á sjúkdóminn. Saltneysla sjúklings og mörg lyf geta raskað þéttni litíums í blóði, þess vegna þarf að fylgjast reglulega með blóðþéttni lyfsins og breyta skömmtum ef þurfa þykir. Aukaverkanir lyfsins eru einnig nokkuð tíðar.

• 

• 
• 
•