Buspiron Mylan

Virk innihaldsefni og styrkleikar:: Buspirone hydrochloride 5 mg
Lyfjaflokkur:: Tauga- og geðlyf
Undirlyfjaflokkur:: Geðlyf (psycholeptica)
ATC flokkur:: N05BE01

Lyfjaform og notkun:

Töflur til inntöku

Pakkningastærðir:

5 mg - 30 stk. og 100 stk.

Ábendingar:

Búspírón er kvíðastillandi lyf. Það hefur hvorki svæfandi, róandi, vöðvaslakandi né krampastillandi áhrif, og verkar ekki sljóvgandi nema í stórum skömmtum. Verkunarmáti þess hefur ekki verið að fullu skýrður en hann er frábrugðinn verkunarmáta annarra kvíðastillandi lyfja. Búspírón er efnafræðilega óskylt öðrum kvíðastillandi lyfjum. Búspírón hentar best í meðferð við kvíða þegar róandi áhrif eru óæskileg eða hjá sjúklingum sem eru viðkvæmir fyrir róandi áhrifum, t.d. eldra fólki. Búspírón er ekki vanabindandi og veldur ekki fráhvarfseinkennum þegar notkun þess er hætt. Það eykur ekki sljóvgandi áhrif annarra lyfja eða áfengis nema í stórum skömmtum. Aftur á móti eru kvíðastillandi áhrif búspíróns mun lengur að koma fram en áhrif benzódíazepínlyfja (t.d. díazepams) en það takmarkar notagildi lyfsins að einhverju leyti.

SPC (Samantekt um eiginleika lyfs)

Buspiron Mylan (PDF 74,8kb)

Fylgiseðill (Upplýsingar fyrir sjúklinga)

Buspiron Mylan (PDF 54,61kb)