Háþrýstingur af óþekktri orsök.

Föstu skammtarnir í samsetta lyfinu Darazíð eru ekki ætlaðir til notkunar í upphafi meðferðar. Þeir eru ætlaðir til að koma í stað notkunar 20 mg af enalaprílmaleati og 12,5 mg af hýdróklórtíazíði hjá sjúklingum sem hafa náð jafnvægi með notkun virku efnanna í þessum hlutföllum, en með inntöku þeirra hvoru í sínu lagi.

Darazíð er samsett lyf, sem inniheldur ACE-hemil (enalaprílmaleat) og þvagræsilyf (hýdróklórtíazíð) og hefur blóðþrýstingslækkandi áhrif.

ACE-hemill hvetur umbreytingu angíótensín I í æðaþrengjandi angíótensín II. ACE-hömlun lækkar þéttni angíótensín II í plasma, sem veldur aukinni renínvirkni og skertri seytingu aldósteróns í plasma. Enalapríl hefur blóðþrýstingslækkandi áhrif, einnig hjá sjúklingum með lág reníngildi.

Hýdróklórtíazíð er þvagræsilyf með blóðþrýstingslækkandi verkun, sem eykur renínvirkni í plasma. Verkunarháttur á bak við blóðþrýstingslækkandi áhrif tíazíða er ekki þekktur. Hýdróklórtíazíð hefur ekki áhrif á eðlilegan blóðþrýsting.

Í klínískum rannsóknum hefur gjöf samsetningar enalapríls og hýdróklórtíazíðs valdið meiri blóðþrýstingslækkun en hvort lyf gerir við einlyfjameðferð. Enalapríl getur minnkað kalíumtapið sem hýdróklórtíazíð veldur.