Diklofenak Mylan er bólgueyðandi gigtarlyf með bólgueyðandi, verkjastillandi og hitalækkandi eiginleika. Virka efnið er díklófenaknatríum og er lyfið ætlað til notkunar við liðagigt, slitgigt,bólgum í hryggjarliðum og tíðarþrautum án undirliggjandi sjúkdóms. Díklófenak hemur nýmyndun prostaglandína sem er mikilvægur hluti verkunarháttarins.Prostaglandín gegna mikilvægu hlutverki við myndun bólgu, verkja og hita. Þetta felur einnig í sér að díklófenak hindrar samloðun blóðflagna.

Við gigtarsjúkdómum hefur díklófenak bólgueyðandi og verkjastillandi eiginleika, sem draga úr klínískum einkennum svo sem verkjum í hvíld og við hreyfingu, morgunstirðleika, bólgu í liðum og auka starfsgetu. Í klínískum rannsóknum á tíðaþrautum á undirliggjandi sjúkdóms hefur díklófenak reynst draga úr verkjum og minnka blæðingar.