Flunitrazepam Mylan

Ábendingar:

Flúnítrazepam er svefnlyf sem er notað í skammtímameðferð við svefnleysi. Lyfið dregur einnig úr kvíða og hefur vöðvaslakandi áhrif. Flúnítrazepam tilheyrir flokki lyfja sem kallast benzódíazepín. Öll lyf í þessum flokki auka áhrif hamlandi boðefnisins (GABA) á vissum stöðum í heila. Þau hafa öll róandi, kvíðastillandi, krampastillandi og vöðvaslakandi áhrif. Munur á benzódíazepínlyfjum felst í því hvað þau eru sérhæfð og hversu langur verkunartími þeirra er. Flúnítrazepam styttir tímann sem það tekur fólk að sofna, fækkar andvökum og lengir svefntíma. Flúnítrazepam raskar eðlilegu svefnmynstri að nokkru leyti á þá leið að draumsvefn og djúpur svefn skerðist, en sé það aðeins notað í stuttan tíma hafa breytingarnar ekki áhrif á svefn.

• 

• 
• 
•