Indometacin Actavis

Ábendingar:

Indometacin Actavis inniheldur virka efnið indometacin. Indometacin er bólgueyðandi gigtarlyf sem ekki er steri (NSAID lyf), með verkjastillandi og hitalækkandi eiginleika. Verkjastillandi eiginleikar lyfsins hafa verið raktir til bæði miðlægra og útlægra áhrifa, sem er ólíkt bólgueyðandi eiginleikum þess.
Indometacin Actavis er ráðlagt við eftirfarandi:
- virkri iktsýki, slitgigt, hryggikt, slitgigt í mjaðmarlið, bráðum stoðkerfiskvillum, þvagsýrugigt og þursabiti.
- bólgum, verkjum eða bjúg eftir bæklunaraðgerðir.
- frumkomnum tíðaverkjum og tengdum einkennum.
Þar sem indometacin er ekki einfalt verkjalyf, skal takmarka notkun þess við ofangreindar aðstæður.
Skammta þarf að stilla vandlega í samræmi við þarfir hvers sjúklings. Til að draga úr líkum á truflunum í meltingarfærum skal alltaf taka Indometacin hylki með mat, mjólk eða sýrubindandi lyfi og hefja meðferð við langvinnum kvillum með litlum skammti og auka hann síðan eftir þörfum.

• 
• 
•