Irinotecan Actavis er ætlað til meðferðar hjá sjúklingum með langt gengið krabbamein í ristli/ endaþarmi (colorectal):

- ásamt 5-flúoróúracíli og fólínínsýru hjá sjúklingum sem hafa ekki áður verið meðhöndlaðir með krabbameinslyfjum við langt gengnum sjúkdómi

- eitt sér hjá sjúklingum, þegar hefðbundin meðferð samkvæmt meðferðaráætlun sem felur í sér 5-flúoróúracíl hefur ekki borið árangur.

Írínótekan ásamt cetuximabi er ætlað til meðferðar sjúklinga með krabbamein í ristli/endaþarmi, með meinvörpum sem tjá EGFR (viðtaka vaxtaþáttar húðþekju (epidermal growth factor receptor), þegar meðferð með írínótekani ásamt frumueyðandi meðferð hefur ekki borið árangur.

Írínótekan gefið samhliða 5 flúoróúrasíli, fólínínsýru eða bevacizumabi er ætlað sem fyrsti meðferðarvalkostur fyrir sjúklinga með krabbamein í ristli eða endaþarmi með meinvörpum.