Mianserin Mylan

Ábendingar:

Míanserín er geðdeyfðarlyf. Verkunarmáti þess og efnafræði eru ólík öðrum geðdeyfðarlyfjum. Verkun þess er ekki að fullu þekkt en það hefur áhrif á virkni nokkurra taugaboðefna í heila. Míanserín hefur sambærileg áhrif á einkenni geðdeyfðar og önnur geðdeyfðarlyf, það bætir skap og matarlyst, eykur líkamlega virkni og áhuga á daglegu lífi. Þessi áhrif koma aðeins fram hjá sjúklingum með geðdeyfð en sjást ekki ef heilbrigðir taka lyfið. Auk þessara áhrifa virkar míanserín róandi og kvíðastillandi og hentar því vel ef kvíði eða svefntruflanir tengjast geðdeyfð. Helstu kostir míanseríns eru þeir að það veldur ekki aukaverkunum, eins og munnþurrki og sjóntruflunum, sem eru algengar aukaverkanir margra geðdeyfðarlyfja. Það veldur líka ekki eins alvarlegum eitrunareinkennum í yfirskömmtum og mörg önnur geðdeyfðarlyf.

• 

• 
• 
•