Montelukast Actavis er ætlað til meðferðar við astma sem viðbótarmeðferð hjá sjúklingum 15 ára og eldri sem hafa vægan eða miðlungsmikinn viðvarandi astma, þegar meðferð með barksterum til innöndunar er ekki fullnægjandi og þegar notkun stuttverkandi beta-örva „eftir þörfum” veitir ekki fullnægjandi klíníska meðferð við astma. Montelukast Actavis getur einnig dregið úr einkennum árstíðarbundinnar ofnæmisbólgu í nefi hjá astmasjúklingum 15 ára og eldri.

Montelukast Actavis er einnig ætlað til fyrirbyggjandi meðferðar á astma hjá sjúklingum 15 ára og eldri þegar aðallega er um berkjusamdrátt við áreynslu að ræða.