Míron Smelt er þunglyndislyf sem inniheldur virka efnið mirtazapín og er ætlað til meðferðar við alvarlegu þunglyndi.

Verkunarháttur:

Mirtazapín blokkar presýnaptíska alfa2-viðtaka sem leiðir til aukins serótónínvirks og noradrenalínvirks boðflutnings tauga í miðtaugakerfi. Serótónínvirku áhrifin eru vegna sérstakrar verkunar á 5-HT1 viðtaka, þar sem mirtazapín blokkar bæði 5-HT2 og 5-HT3 viðtaka. Sefandi verkun mirtazapíns er talin vera vegna blokkunar á H1 viðtökum. Lyfið hefur svo til enga andkólínvirkni og veldur þar með ekki aukaverkunum eins og munnþurrki og sjóntruflunum. Við lækningaskammta hefur það svo til engin áhrif á hjarta- og æðakerfið.